Ons kry swaar… ons is moeg en voel oorlaai…

• Ons is só bewus van ons broosheid en ons tekortkominge
• Ons begeer soms net ‘n aanraking, ‘n sagte hand, ‘n vashou plek

Maar daar is tog ‘n uitnodiging van Jesus vir die wat so voel

Mat 11:28  Kom na My toe almal wat uitgeput en oorlaai is

en Ek sal vir julle rus gee. 

Probleem is:

Die idee van eenkant gaan met God is vir baie mense ‘n bedreiging.

“Elke ontmoeting met God is asof ek op die rooi tapyt verskyn”

Jare gelede het ‘n gemeentelid vir my gesê dat haar suster en gesin besluit het om uit die N G Kerk te gaan omdat sy moeg is daarvan om elke Sondag met die intrapslag te hoor hoe sleg sy is wanneer die wet gelees word en skuldbelydenis uit jou gewurg word…. 

My antwoord was:

• Daar is vele hoeke waaruit mens na ‘n saak kan kyk. 
• Daar is ‘n positiewe en ‘n negatiewe hoek
• en ek en jy kies deurentyd

Ek dink die positiewe is bevrydend

Kom ons sien skuldbelydenis heel aan die begin van ons ontmoeting met die Here uit hierdie hoek:

Die Here nooi ons om aan sy voete te kom sit

• Hy weet ook dat ons dit huiwerig doen,

selfs met vrees

omdat ons so bewus is van ons tekortkominge en swakhede

• en daarom nooi Hy ons sommer dadelik as ons na Hom toe kom
• om ons sonde voor sy voete te lê
• om die gewig van ons skouers te haal en vry te kom
• en te ontspan en sy seëninge te ontvang

Dis asof Hy vir ons sê

Hou op om so koes, koes nader te kom

Kom raak ontslae van dit wat tussen ons is

• sodat Ek jou kan troos, kan leer, kan bemoedig, kan versterk….
• WAT ookal jou behoefte is waarmee jy NOU na MY toe kom!

Dis so onnodig om swaar te dra

aan al die kommer en skuldgevoelens

Moenie langer huiwer nie

          Kom NOU na Hom toe

          Kom sit net stil by Hom

Die woorde van ‘n halleluja kom by my op

Kom ons bid dit saam: 

Gaan my nie verby o Heiland

gaan my nie verby…

Wyl U ander seën Heiland

seën nou ook My…..

Voor U troon gekniel o Heiland

bid ek in geloof

Hoor my sugte en gebede

ondanks swak geloof

Amen Vrede vir julle!